In Hippocratis Epidemiarum librum I (On Hippocrates' Epidemics I)
Wenkebach 1934
Τοῖϲι δὲ καὶ μετὰ χρόνον φλεγ- μοναὶ μετ’ ὀδύνηϲ εἰϲ ὄρχιν ἑτερόρροποι, τοῖϲι δ’ εἰϲ ἀμφοτέρουϲ.
Τοῦ κατενεχθέντοϲ ἐκ τῆϲ κεφαλῆϲ εἰϲ τὸν πνεύμονα μέ- ροϲ τι κατὰ τὴν κοινωνίαν τῶν ὀργάνων εἰϲ τοὺϲ ὄρχειϲ ἀφί- κετο. λέλεκται δ’ αὐτῷ περὶ τῆϲ κοινωνίαϲ τῶν γεννητικῶν μορίων πρὸϲ τὰ κατὰ θώρακα δι’ ἑτέρων γραμμάτων. ἀλλὰ τοῦτό γε τὸ κατα- ϲκῆψαν εἰϲ τοὺϲ ὄρχειϲ κακοηθέϲτερον ἦν ἤδη, οὐκέθ’ ὅμοιον τῷ ἐξ ἀρχῆϲ, ὡϲ ἂν ἐν χρόνῳ πλείονι διαϲεϲηπὸϲ ἐν τοῖϲ κατὰ πνεύμονα χωρίοιϲ. εἰκότωϲ τοιγαροῦν αἱ κατὰ τοὺϲ ὄρχειϲ φλεγμοναὶ μετ’ ὀδύνηϲ ἐγένοντο καὶ οὐχ ὥϲπερ αἱ παρωτίδεϲ ἀνώδυνοι. τοῦ δ’ ἤτοι τὸν ἕτερον ὄρχιν ἢ ἀμφοτέρουϲ δέξαϲθαι τὴν περι- ουϲίαν τῶν ὑγρῶν αἴτιον ἦν τὸ ποϲὸν ἐν αὐτοῖϲ. οἷϲ μὲν γὰρ ὀλί- γον ἀφίκετο, κατὰ τὸν ἕτερον ὄρχιν ἐϲτηρίζετο, οἷϲ δὲ πλέον, κατ’ ἀμφοτέρουϲ.
Πυρετοὶ τοῖϲι μέν, τοῖϲι δ’ οὔ.
Τοὺϲ πλεονάϲανταϲ χυμοὺϲ ἔφαμεν οὔτε θερμοὺϲ | ἰϲχυρῶϲ οὔτε ψυχροὺϲ ἄγαν εἶναι, μεταξὺ δ’ ἀμφοῖν τῇ φύϲει καὶ μέϲουϲ τῇ κράϲει, ὥϲτε παρά τε τὰϲ ἡλικίαϲ καὶ τὰϲ φυϲικὰϲ κράϲειϲ καὶ τὰ ἐπιτηδεύ- ματα τῶν νοϲούντων τοῖϲ μὲν ἐπὶ τὸ θερμότερον ἔρρεπε καὶ κατὰ τοῦτ’ ἐπύρεξαν, ἔνιοι δὲ τὴν ἐξ ἀρχῆϲ ἐφύλαξαν κρᾶϲιν, οὐχ ἱκα- νὴν οὖϲαν ἐγεῖραι πυρετούϲ.
Ἐπιπόνωϲ ταῦτα τοῖϲι πλείϲτοιϲι
Κατὰ πάντων ὧν εἶπεν ἐπιπεφώνηκε τοῦτο. προειρήκει δὲ βῆχάϲ τε καὶ φωνὰϲ βραγχώδειϲ καὶ ἀποϲτάϲειϲ εἰϲ ὄρχιν καί τιϲιν αὐτῶν καὶ πυρετούϲ. ταῦτ’ οὖν φηϲι τὰ ϲυμπτώματα τοῖϲ πλείϲτοιϲ τῶν καμνόντων ἐπιπόνωϲ ϲυμβῆναι, τουτέϲτιν οὐκ εὐφόρωϲ οὐδ’ ὥϲτε ῥᾳδίωϲ ἀνέχεϲθαι περιιόνταϲ ὀρθοϲτάδην, ἀλλὰ τοὺϲ πλείϲτουϲ αὐτῶν γενέϲθαι κλινήρειϲ, ὡϲ ἂν ἀεὶ καὶ μᾶλλον ἐν χρόνῳ προιόντι τῶν ἠθροι- ϲμένων περιττωμάτων δριμυτέρων τε καὶ κακοηθεϲτέρων γενομένων. αἱ γάρ τοι νότιοι καταϲτάϲειϲ χρονίζουϲαι ϲηπεδόναϲ ἐργάζονται, καὶ μάλιϲθ’ ὅταν ὦϲιν ὑγραί. τῆϲ δὲ νῦν καταϲτάϲεωϲ οὐ γενομένηϲ ὑγρᾶϲ μέχρι πλείϲτου μὲν οὐδὲν ἀνιαρὸν ἔπαϲχεν τὰ ϲώματα, τῷ χρόνῳ δ’
Work
Title: In Hippocratis Epidemiarum librum I
English: On Hippocrates' Epidemics I
Original: Ἱπποκράτους ἐπιδημιῶν αʹ καὶ Γαληνοῦ εἰς αὐτο ὑπομνήματα
Domains: Medicine
Text information
Type: Original
Bibliographic information
Publication type: Book
Author/Editor: Wenkebach, Ernst
and Pfaff, Franz
Title: Galeni in Hippocratis Epidemiarum libros I et II
Published: 1934
Series: Corpus Medicorum Graecorum
Volume: 5
Number: 10
Pages: 3-151
Publisher: B. G. Teubner, Berlin, Leipzig
Download
Galen-Gr_103-2.xml [526 Kb]