Galen: In Hippocratis Epidemiarum librum I (On Hippocrates' Epidemics I)

Ἱδρῶτεϲ αἰεί, οὐ δι’ ὅλου· ψῦξιϲ ἀκρέων πολλὴ καὶ μόγιϲ ἀναθερμαινόμενα.

Ὅτι ταῦτα τὰ ϲυμπτώματα κακοήθων ἐϲτὶ πυρετῶν, ἐν τῷ Προ- γνωϲτικῷ μεμαθήκαμεν.

Κοιλίαι ταραχώδεεϲ χολώδεϲιν, ὀλίγοιϲιν, ἀκρήτοιϲι, λεπτοῖϲι, δακνώδεϲι· πυκνὰ ἀνί- ϲταντο.

Ἀκρήτουϲ ἐκκρίϲειϲ εἴωθεν ὀνομάζειν τὰϲ ἀκριβῶϲ χολώδειϲ, ὅταν δὲ μεθ’ ὑγρότητοϲ ὑδατώδουϲ μιχθῇ καὶ ἐκκενῶται, τὸν τοι- οῦτον χυμὸν οὐκέτι ἄκρητον ὀνομάζει. ἐμάθομεν δὲ καὶ αὐτὸ τοῦτο τὸ περὶ τῶν ἀκράτων ἐκκρίϲεων, ὧν εἶπε τὴν κακοήθειαν, ἐν τῷ Προγνωϲτικῷ καὶ περὶ τῶν λεπτῶν τὴν ϲύϲταϲιν χυμῶν, ὅτι πάντεϲ ἄπεπτοι καὶ δεόμενοι ῥωμαλέαϲ φύϲεώϲ εἰϲιν εἰϲ τὸ πεφθῆναι. δακνώδειϲ δ’ εἰκότωϲ ἦϲαν, εἴπερ γε καὶ χολώδειϲ καὶ ἄκρατοι. τούτῳ δ’ αὖ πάλιν εἵπετο τῷ δακνῶδεϲ εἶναι τὸ ϲυνεχῶϲ ἐξανί- ϲταϲθαι, ὥϲτε καὶ κατὰ τοῦτο τὸ ϲύμπτωμα κάμνειν τῶν νοϲούντων τὴν δύναμιν.

Οὖρα ἢ λεπτὰ καὶ ἄχροα καὶ ἄπεπτα καὶ ὀλίγα ἢ πάχοϲ ἔχοντα καὶ ϲμικρὴν ὑπόϲτα- ϲιν, οὐ καλῶϲ καθιϲτάμενα, ἀλλ’ ὠμῇ τινι καὶ ἀκαίρῳ ὑποϲτάϲει.

Καὶ περὶ τῶν οὔρων ἐμάθομεν, ὅτι τὰ λεπτὰ καὶ ἄχροα καὶ [ὀλίγα ἢ] ἄπεπτα καὶ [τὰ] ὀλίγα μοχθηρά, καθάπερ καὶ τὰ παχέα μέν, ὑπόϲταϲιν δ’ οὐδ’ ὅλωϲ ἢ πάνυ ϲμικρὰν ἔχοντα. καὶ τοῦτο αὐτοῖϲ ϲυμβαίνει διὰ τὸ μὴ καλῶϲ καθίϲταϲθαι. τοῦτο δ’ ἐν αὐτοῖϲ πάλιν ἐκείνοιϲ γίνεται τοῖϲ πυρετοῖϲ, ἐν οἷϲ θερμαϲία πολλὴ καὶ φλο-