In Hippocratis Epidemiarum librum I (On Hippocrates' Epidemics I)
Wenkebach 1934
ψυχρότεροϲ. ἄκουϲον οὖν ἑξῆϲ, ὡϲ καὶ περὶ τούτων ἐν Ἀφοριϲμοῖϲ
ἔγραψεν ἀρξάμενοϲ ὧδε· “νότοι βαρυήκοοι, ἀχλυώδειϲ, καρηβαρικοί,
νωθροί, διαλυτικοί. ὅταν οὗτοϲ δυναϲτεύῃ, τοιαῦτα ἐν τῇϲιν ἀρρω-
ϲτίῃϲι πάϲχουϲιν. ἢν δὲ βόρειον ᾖ, βῆχεϲ, φάρυγγεϲ, κοιλίαι ϲκληραί,
δυϲουρίαι φρικώδειϲ, ὀδύναι πλευρέων, ϲτηθέων· ὅταν οὗτοϲ δυνα-
ϲτεύῃ, τοιαῦτα ἐν τῇϲιν ἀρρωϲτίῃϲι προϲδέχεϲθαι.” ταῦτα μὲν οὖν
αὐτῷ λέλεκται περὶ τῶν ἰϲχυρῶν νοτίων καὶ βορείων καταϲτάϲεων
τῶν ἐν πλείονι χρόνῳ γινομένων. ἐνδείκνυται γὰρ ταύτην τὴν
γνώμην διὰ τοῦ δυναϲτεύειν ὀνόματοϲ, ὡϲ οὐκ ἂν ὑπὲρ ἀνέμου
τινὸϲ ἐπὶ τοῦ ἦροϲ οὔτ’ ἐν βραχεῖ χρόνῳ πνεύϲαντοϲ οὔτ’ ἐπὶ πλείοϲιν
ἡμέραιϲ, ἀλλ’ † ἀϲθενοῦϲ εἰπὼν τοῦτο τοὔνομα. περὶ δὲ τῶν ἐφημέρων
νοτίων τε καὶ βορείων πνευμάτων ἄκουϲον αὖθιϲ ἃ λέγει· “αἱ μὲν
καθημεριναὶ καταϲτάϲιεϲ αἱ μὲν βόρειοι τά τε ϲώματα ϲυνιϲτῶϲι καὶ
εὔτονα καὶ εὐκίνητα καὶ εὔχροα καὶ εὐηκοώτερα ποιέουϲι καὶ τὰϲ κοι-
λίαϲ ξηραίνουϲι καὶ τὰ ὄμματα δάκνουϲι καὶ περὶ τὸν θώρακα ἄλγημα,
ἤν τι προϋπάρχῃ, μᾶλλον πονέουϲιν. αἱ δὲ νότιοι διαλύουϲι τὰ ϲώματα
καὶ ὑγραίνουϲι καὶ βαρυηκοΐαϲ καὶ καρηβαρίαϲ καὶ ἰλίγγουϲ ἐμποι-
έουϲιν ἔτι τοῖϲ ὀφθαλμιῶϲιν καὶ ἐν τῷ ϲώματι δυϲκινηϲίαν καὶ τὰϲ
κοιλίαϲ ὑγραίνουϲιν.” εἴρηται δὲ ἐν Ἀφοριϲμοῖϲ ὑπ’ αὐτοῦ καὶ ἄλλα
γέ τινα περί τε φύϲεωϲ ὡρῶν καὶ τῆϲ ἀθρόαϲ εἰϲ ἀλλήλαϲ μεταβολῆϲ,
ὧν ἕκαϲτον κατὰ τὸν προϲήκοντα καιρὸν μνημονεύϲομεν. ἐν δὲ τῷ
παρόντι τοῦτο μόνον ἀρκεῖ διδαχθὲν[ταϲ] τὰϲ [πρώταϲ] ϲτοιχειώδειϲ
δυνάμειϲ τῶν καταϲτάϲεων ὑπ’ αὐτοῦ τοῦ Ἱπποκράτουϲ εἰρῆϲθαι,
καθ’ ἃϲ χρὴ περὶ παϲῶν τῶν ὁπωϲοῦν γενομένων καταϲτάϲεων ὁδῷ
καὶ τάξει προϊόνταϲ ἡμᾶϲ ἐξευρίϲκειν, ὁποῖά τέ τινα γενήϲεται νοϲή-
ματα καὶ ὅπωϲ αὐτὰ ϲυνίϲταϲθαι κωλυτέον ἐϲτὶν ἢ ϲυϲτάντα θερα-
πευτέον· οὗτοϲ γὰρ μέγιϲτοϲ καρπὸϲ τῆϲ ἐνεϲτώϲηϲ πραγματείαϲ. ἐν
δὲ τοῖϲ ϲτοιχειώδεϲι τούτων ἔϲτι καὶ ἡ χώρα ϲυνενδεικνυμένη καὶ
αὐτή τι πρὸϲ τὴν τῶν νοϲημάτων γένεϲιν, ὥϲπερ ἥ τε φύϲιϲ ἑκάϲτου
Work
Title: In Hippocratis Epidemiarum librum I
English: On Hippocrates' Epidemics I
Original: Ἱπποκράτους ἐπιδημιῶν αʹ καὶ Γαληνοῦ εἰς αὐτο ὑπομνήματα
Domains: Medicine
Text information
Type: Original
Bibliographic information
Publication type: Book
Author/Editor: Wenkebach, Ernst
and Pfaff, Franz
Title: Galeni in Hippocratis Epidemiarum libros I et II
Published: 1934
Series: Corpus Medicorum Graecorum
Volume: 5
Number: 10
Pages: 3-151
Publisher: B. G. Teubner, Berlin, Leipzig
Download
Galen-Gr_103-2.xml [526 Kb]