In Hippocratis De Praedictionibus (On Hippocrates' Prorrhetics)
Kühn 1829
λευκὰ γίνεσθαι τὰ διαχωρήματα, δεῖ πρὸς τὰ
κατὰ φύσιν ἔχοντα αὐτὰ παραβάλλειν καὶ πρὸς παραβολὴν
τούτων γεγονέναι τὸν λόγον αὐτῷ καὶ καθάπερ ἄλλοι πολλοὶ
τῶν ἰατρῶν ἔγραψαν, λευκὰ διαχωρήματα γίγνεσθαι τοῖς
ἰκτεριῶσιν. οὕτω καὶ νῦν οὗτος ἐπὶ τῶν φρενιτικῶν εἶπεν,
ὡς εἰ καὶ μηδ’ ὅλως ἔχοντα τὴν ξανθὴν χολὴν εἴρηκε. γίνεται
δὲ τοῦτο μηκέτ’ αὐτῆς εἰς τὴν γαστέρα συῤῥεούσης,
ἀλλὰ τῷ πρὸς ὅλον τὸ σῶμα φερομένῳ κατὰ τὴν ἀνάδοσιν
αἵματι συναναφερομένης, διὰ στέγνωσίν τινα τοῦ καταφέροντος
αὐτὴν εἰς τὴν γαστέρα πόρου, καθάπερ ἐπὶ τῶν
ἰκτεριώντων ἢ διὰ σφοδρὰν πύρωσιν ἐν τοῖς ἄνω τοῦ ἥπατος
μορίοις ἀναρπάζουσαν τὸ αἷμα σὺν τῇ χολῇ. κατὰ μὲν
οὖν τὸν πρῶτον τρόπον ἀναφερομένης εἰς ὅλον τὸ σῶμα τῆς
χολῆς ἡ βλάβη γίνοιτ’ ἂν ἐξ αὐτῆς τοῖς κατὰ τὸν ἐγκέφαλον,
ἤδη καὶ πρόσθεν ἐκκεχολωμένοις. κατὰ δὲ τὸν δεύτερον
τρόπον οὐ μόνον αἴτιον βλαβερὸν ἡ τῆς χολῆς ἀνάδοσις,
ἀλλὰ καὶ σημεῖον ἔσται θερμασίας παμπόλλης, ἐνδεικνυμένης
ὑπάρχειν ἐν αὐτῷ. τὸ δ’, ὡς καὶ Ἀρχεκράτει
Work
Title: In Hippocratis De Praedictionibus
English: On Hippocrates' Prorrhetics
Original: Εἰς τὸ Ἱπποκράτους προρρητικῶν
Domains: Medicine
Text information
Type: Original
Bibliographic information
Publication type: Book
Author/Editor: Kühn, Karl Gottlob
Title: Claudii Galeni Opera Omnia
Published: 1829
Series: Claudii Galeni Opera Omnia
Volume: 16
Pages: 489-840
Publisher: Cnobloch, Leipzig
Download
Galen-Gr_102.xml [630 Kb]