Galen: De Compositione Medicamentorum secundum Locos VII-X (On the Composition of Drugs according to Places VII-X)

Καὶ ταὐτὸ λευκῆς ἴρεως κεκομμένης. Ὄξους δὲ κυάθους δύο ἥμισυ βραχύ. Μέλιτος δὲ λίτρας δύο Ἀττικοῦ τοῦ προσφάτου, Ἀμμωνιακοῦ θυμιάματος λίτραν μίαν Τινὲς κατέμιξαν, ἄλλοι δὲ λίτρας δύο. Τὰ ξηρὰ σήσας πάντα λεπτῷ κοσκίνῳ, Ἕψησον ὡς κατάπλασμα προσβαλὼν μέλι, Ὄξος τε μὴ πᾶν καὶ ποιήσας εὐαφὲς Πρόσβαλε τῷ θερμῷ, παραχέων ὄξος βραχὺ, Τετηγμένῳ κηρῷ τε καὶ λιπάσματι, Τερμινθίνῃ τε καὶ καλῶς ἑψημένα, Ταῖς χερσί τε ἅμα πάνθ’ ἑνώσας ἐπιμελῶς, Ἐν μείζονι ἀγγείῳ χρήσαι μὴ παραυτίκα. Ἀδρανέστερον γάρ ἐστιν, ἄρτι γενόμενον.

Ἄλλο Δαμοκράτους μάλαγμα.

Καὶ τοῦτο εὐῶδές τε καὶ τὰς ἥπατος Αἶρον διαθέσεις τὰς νεφρῶν τε καὶ κώλου, Τὰς τοῦ στομάχου τε χρονίας τῆς θ’ ὑστέρας.