Galen: De Compositione Medicamentorum secundum Locos VII-X (On the Composition of Drugs according to Places VII-X)

Θέρους περίκειται λεπτὰ φύλλα, μέχρι περ ἂν Κρύους γενομένου, φρυγανώδη τἄλλα μὲν Τὰ φύλλα ἀποβάλλει τε καὶ μαραίνεται, Πρὸς τῇ δὲ ῥίζῃ προσπεφύκασίν τινα. Φέρει δ’ ὁ καυλὸς ἐν θέρει λεπτὸν πάνυ Πολύχροον ἄνθος, τῇ χρόᾳ γαλάκτινον, Εἶτ’ ἐπακολουθεῖ παντελῶς τούτῳ βραχὺ Σπέρματος, ἀκριβῶς αὐτὸ μηδ’ ὁρᾷν τινα. Ἡ ῥίζα δὲ καὶ ὀσμὴν δριμυτάτην ἔχει, Μάλιστα πάντων καρδάμῳ προσεμφερῆ.

Διὰ τούτων μὲν ἐδήλωσε τὴν ἰδέαν τῆς βοτάνης, ἐφεξῆς δὲ τὴν χρῆσιν αὐτῆς διὰ τῶνδε.

Ταύτην ὀρύξας καὶ λαβὼν πλῆθος πολὺ, Θέρους μάλιστα δ’ ἐστὶ πρακτικωτάτη Καὶ πρόσφατος. ξηρὰ γὰρ ἀδρανὴς τυγχάνει, Κόψας δ’ ἐπιμελῶς, ἔστι γὰρ καὶ δύσκοπος, Ἀξουγγίῳ λίπανον ὀλίγῳ παντελῶς, Εἶτα ἐπιθεὶς κοτύλῃ τε καὶ παντὶ σκέλει,