Galen: De Compositione Medicamentorum secundum Locos VII-X (On the Composition of Drugs according to Places VII-X)

μύρτα τὰ δύο προσθεὶς τρῖβε. ἑδρικὴ, ᾗ χρῶμαι πρὸς κονδυλώματα καὶ τὰς ἐν δακτυλίῳ φλεγμονὰς καὶ ῥαγάδας. ♃ ἀμμωνιακοῦ θυμιάματος, λίθου αἱματίτου, λιβάνου, στυπτηρίας στρογγύλης, ἑκάστου δραχ. β΄. κηκίδος, κρόκου ἀνὰ δραχ. α΄. τερμινθίνης δραχ. α΄. κηροῦ Τυῤῥηνικοῦ δραχ. ιβ΄. ῥοδίνου κοτύλας δ΄. χρῶ ἐν τῷ πεσσῷ μετὰ Συριακοῦ, ἐπὶ τῶν λοιπῶν μετὰ ῥοδίνου. ἑδρικὴ ἡ διὰ τῶν ἐγκεφάλων. ♃ στέατος χηνείου τεθεραπευμένου, κηροῦ, λιβάνου, μυελοῦ ἐλαφείου, ῥόδων ἄνθους, πομφόλυγος, καδμείας, μολύβδου πεπλυμένου ἀνὰ δραχ. δ΄. ψιμυθίου δραχ. η΄. ἐγκεφάλου γεράνου δραχ. β΄. ὀποῦ μήκωνος δραχ. α΄ S". οἰσύπου δραχ. ε΄. σέριδος χυλοῦ κοτύλην α΄. ῥοδίνου κοτύλης S". ἑδρικὴ παρὰ Ῥουστίκου, ᾗ χρῶμαι. ♃ ῥόδων χλωρῶν δραχ. η΄. γάλακτος γυναικείου κοτύλην α΄. λιθαργύρου δραχ. μ΄. μηκωνίου δραχ. μ΄. ὠὰ ὠμὰ ὁλόκληρα δύο, βουτύρου δραχ. ιστ΄. οἰσύπου δραχ. ιστ΄. σιδίων δραχ. ιστ΄. μέλιτος δραχ. ρ΄. ἐν ἄλλῳ κοτύλης S". κηροῦ δραχ. μ΄. ῥοδίνου ἢ μυρσίνου, κοτύλης S". ὡς δὲ Ἥρας, ἀντὶ οἰσύπου χηνείου στέατος