Galen: De Compositione Medicamentorum per Genera (On the Composition of Drugs according to Kind)

Ῥίζα δέ ἐστιν ἡ καλὴ ἡ Κρητικὴ, Τὸ α΄. εἶτα Κιλίκιος. παλαιοῦ Τε ἐλαίου μνᾶς ἐπιῤῥεπέστερον βραχὺ Ἐὰν δὲ μὴ παρῇ, κέχρησο προσφάτῳ. Ἕψει δὲ λείαν, τὴν λιθάργυρον βαλὼν Καὶ πᾶν ἔλαιον εἰς χύτραν, κινῶν σπάθῃ. Ὅταν δὲ συστῇ καὶ γένηται μηλίνη, Ἰὸν παράπασον, εἶτα κηρὸν πρόσβαλε, Τήξας τε τοῦτον, βαστάσας τ’ ἀπὸ τοῦ πυρὸς Χαμαιλέοντος ὀλίγον παράπασον. Ὅταν δ’ ἑνωθῇ πάντα καὶ ψυγῇ ποσῶς, Κατέρασον εἰς θυείαν, οὕτως τε ἀποτίθου.

Αἰγυπτία.

Αἰγυπτία τηροῦσα χωρὶς φλεγμονῆς Πᾶσαν διαίρεσιν καὶ πάντα θλάσματα, Καὶ δήγματα πάντων τετραπόδων, τῶν θ’ ἑρπετῶν, Ὅσαι τ΄ ἐγένοντο χωρὶς ἑλκῶν φλεγμοναὶ, Πόνους τε νεύρων καὶ μυῶν δίχ’ αἰτίας.