In Hippocratis Epidemiarum librum I (On Hippocrates' Epidemics I)
Wenkebach 1934
ϲυμμέτρωϲ θερμαίνοντα πάντα, τοῦτο μὲν ἐδέϲματα καὶ πόματα, τοῦτο δὲ καταντλήματα καὶ καταπλάϲματα, καὶ τρίψιϲ δὲ μετρία καὶ λουτρὸν καὶ ἅτινα ἐκ τούτου τοῦ γένουϲ ἐϲτίν. εἴρηται δ’ αὐτῶν πάντων ἡ κατὰ μέροϲ χρῆϲιϲ ἐν τοῖϲ Τῆϲ θεραπευτικῆϲ μεθόδου γράμμαϲιν. οὐ μόνον δὲ πεπαϲμοὺϲ τῶν νοϲημάτων ϲκοπεῖϲθαι προϲῆκον ἢ ποιεῖν αὐτούϲ (ἑκάτερον γὰρ ἀληθέϲ), ἀλλὰ καὶ τὰϲ ἀπο- ϲτάϲειϲ τὰϲ κατ’ ἔκρουν, ὅπερ καὶ μάλιϲτα χρὴ ϲπουδάζειν, ἤτοι τὰϲ κατ’ ἀπόθεϲιν εἰϲ ἀκυρότερα μέρη· δεύτεροϲ γὰρ οὗτοϲ ϲκοπὸϲ ἀποτυγχανομένου τοῦ κατ’ ἔκρουν. εἰ μὲν οὖν ἐπὶ γαϲτέρα ῥέποι τὰ περιττώματα ταῦτα, ϲυνεργεῖν προϲήκει κλύϲμαϲί τε χρώμενον ἐπι- ϲπᾶϲθαι δυναμένοιϲ ἐνταῦθα καὶ τοῖϲ κατὰ τὴν δίαιταν πᾶϲαν εἰϲ τοῦτο ϲυντελοῦϲιν, εἰ δ’ ἐπὶ νεφρούϲ, τοῖϲ οὐρητικοῖϲ, εἰ δὲ ἐπὶ κῶ- λον, ἐκεῖνο θερμαίνοντα διὰ τῶν δριμυτέρων φαρμάκων.
Πεπαϲμοὶ ταχυτῆτα κρίϲεωϲ καὶ ἀϲφάλειαν ὑγιεινὴν ϲημαίνουϲιν.
Ἐπὶ τῆϲ προγεγραμμένηϲ ῥήϲεωϲ ἔφην ἐνίουϲ μὲν ϲκοπεῖϲθαι τοὺϲ πεπαϲμοὺϲ ἀξιοῦν, ἐνίουϲ δὲ καὶ ποιεῖϲθαι καὶ γράφειν ἑκατέρουϲ τὸ τέλοϲ τῆϲ ῥήϲεωϲ διττῶϲ, ἐξηγουμένουϲ τοὺϲ μὲν ἑτέρουϲ αὐτοὺϲ προϲήκειν ϲκοπεῖϲθαι τοῖϲ ἰατροῖϲ, τοὺϲ δὲ ἑτέρουϲ ποιεῖϲθαι. χρηϲίμωϲ δ’ ἔφην ἑκάτερον ἀϲκεῖϲθαι τοῖϲ ἰατροῖϲ, ὥϲτε, κἂν τὸ “ϲκοπεῖϲθαι” γεγραμμένον ᾖ, πάντωϲ ἀκολουθεῖν αὐτῷ καὶ τὸ ποιεῖϲθαι. μιμητὴν γὰρ ἅμα καὶ ὑπηρέτην ὁ Ἱπποκράτηϲ ἀξιοῖ τὸν ἰατρὸν εἶναι τῆϲ φύϲεωϲ. ὅτι μέντοι βέλτιόν ἐϲτι γράφειν ἐπὶ τῆϲ προτέραϲ ῥήϲεωϲ τὸ “ϲκοπεῖϲθαι”, δῆλον ἐποίηϲε κατὰ τήνδ’ εἰπὼν τοὺϲ πεπαϲμοὺϲ ϲη- μαίνειν ταχυτῆτα κρίϲεωϲ καὶ ἀϲφάλειαν ὑγιεινήν. οὐδὲ γὰρ ἂν ἔφηϲε ϲημαίνουϲιν, ἀλλὰ “ποιέουϲιν”, εἰ ϲυνεβούλευϲε τοῖϲ ἰατροῖϲ αὐτοῖϲ ἐργάζεϲθαι τοὺϲ πεπαϲμούϲ. ἀλλὰ τοῦτο μὲν ἐν οἷϲ θεραπεύει τὰ νοϲήματα βιβλίοιϲ ϲυμβουλεύει. νῦν δὲ κατὰ τὴν τῶν Ἐπιδημιῶν πραγματείαν εἰϲ διαγνώϲειϲ αὐτὸϲ καὶ προγνώϲειϲ ἐπανα- τείνει, ϲυνεμφαινομένηϲ μὲν ἐν τῷ καθόλου καὶ τῆϲ θεραπευτικῆϲ
Work
Title: In Hippocratis Epidemiarum librum I
English: On Hippocrates' Epidemics I
Original: Ἱπποκράτους ἐπιδημιῶν αʹ καὶ Γαληνοῦ εἰς αὐτο ὑπομνήματα
Domains: Medicine
Text information
Type: Original
Bibliographic information
Publication type: Book
Author/Editor: Wenkebach, Ernst
and Pfaff, Franz
Title: Galeni in Hippocratis Epidemiarum libros I et II
Published: 1934
Series: Corpus Medicorum Graecorum
Volume: 5
Number: 10
Pages: 3-151
Publisher: B. G. Teubner, Berlin, Leipzig
Download
Galen-Gr_103-2.xml [526 Kb]