In Hippocratis De Praedictionibus (On Hippocrates' Prorrhetics)
Kühn 1829
τὰ γὰρ τρομώδεα σπασμώδεα γενόμενα τοῖς ἐφ’
ἱδρῶσι φιλυπόστροφα γενέσθαι ψεῦδός ἐστιν, οὐ φιλυποστρόφων
αὐτῶν, ἀλλ’ ὀλεθρίων ὄντων. ἐάν τε ἐφιδρῶσιν
αὐτοῖς εἴτε καὶ μή. θεασώμεθα οὖν αὐτὰ ἃ λέγουσιν οὗτοι,
τὰ τρομώδεα σπασμώδεα γενόμενα, θάνατον ἐπιφέρει.
δύναται δὲ καὶ οὕτως τὰ τρομώδεα ἢ σπασμώδεα καθ’ ἑαυτὰ
κελεύοντες ἀναγινώσκειν. δύνασθαι μὲν γάρ φασι καὶ οὕτω
νοεῖσθαι, τὰ τρομώδεα σπασμώδεα γενόμενα θάνατον
ἐπιφέρει. δύνασθαι δὲ καὶ οὕτω· τὰ τρομώδεα ἢ σπασμώδεα
γενόμενα μοχθηρά· ἵνα τὸ μὲν πρότερον τὴν πάνυ
τελείαν μετάπτωσιν ἐκ τῶν τρομωδῶν εἰς τὰ σπασμώδη διδάσκῃ,
τὸ δὲ δεύτερον, ὅταν τοῖς τρομώδεσι πάθεσιν ἐπιγένηται
τὸ σπασμῶδες, ἕπεσθαι θάνατον, ἑκάτερον μὲν γὰρ
ὀλέθριον. ἀλλὰ τὸ μὲν πρότερον, ὡς μεταπιπτόντων τῶν
τρομωδῶν εἰς τὰ σπασμώδη, πρὶν ἀποθνήσκειν τὸν ἄνθρωπον,
τὸ δὲ δεύτερον, ὡς πάντως μὲν μετὰ τούτου γιγνομένων.
ὁπότε δὲ γένηται, βέβαιον θάνατον ἐπιφερόντων. ᾧ
δὲ ταῦτα φίλα, πάρεστιν αὐτοῖς χρῆσθαι. ἐγὼ δὲ μεταβήσομαι
Work
Title: In Hippocratis De Praedictionibus
English: On Hippocrates' Prorrhetics
Original: Εἰς τὸ Ἱπποκράτους προρρητικῶν
Domains: Medicine
Text information
Type: Original
Bibliographic information
Publication type: Book
Author/Editor: Kühn, Karl Gottlob
Title: Claudii Galeni Opera Omnia
Published: 1829
Series: Claudii Galeni Opera Omnia
Volume: 16
Pages: 489-840
Publisher: Cnobloch, Leipzig
Download
Galen-Gr_102.xml [630 Kb]