Galen: In Hippocratis Epidemiarum librum I (On Hippocrates' Epidemics I)

ὠφελεῖν τοὺϲ ἱδρῶταϲ οὔτ’ ἀγαθὸν εἶναι ϲημεῖον· ἢ γὰρ πλεονεξίαν ὑγρῶν ἢ ἀρρωϲτίαν δυνάμεωϲ ἐνδείκνυνται.

Ψῦξιϲ πολλὴ τῶν ἀκρέων καὶ μόλιϲ ἀναθερμαινόμενα.

Καὶ διὰ φλεγμονὴν μὲν ἀξιόλογον ϲπλάγχνων ἐν τοῖϲ παροξυ- ϲμοῖϲ δυϲεκθέρμαντα γίνονται τὰ ἄκρα καὶ διὰ πλῆθοϲ δὲ ψυχρῶν χυμῶν, ὡϲ ἀπεδείξαμεν ὑπὲρ ἀμφοτέρων ἐν ταῖϲ προειρημέναιϲ πραγ- ματείαιϲ.

Οὐδὲ ἄγρυπνοι τὸ ϲύνολον, μά- λιϲτα δ’ οὗτοι καὶ πάλιν κωματώδεεϲ.

[καὶ πάλιν] Ἀγρύπνουϲ μὲν αὐτούϲ φηϲι γεγονέναι μᾶλλον ἐν μέρει, οὐ μὴν τὸ ϲύνολόν γε ἦν τούτοιϲ οὐδ’ ἡ ἐναντίωϲιϲ ϲφοδρά. φηϲὶ γὰρ αὐτοῖϲ ἐν μέρει καὶ τὸ κωματῶδεϲ ϲύμπτωμα γεγονέναι. τοῦτο δ’ ἐϲτίν, ὅταν καταφέρωνται μὴ δυνάμενοι τὰ τῶν ἐγρηγορό- των πράττειν, ὡϲ ἀπεδείξαμεν.

Κοιλίαι δὲ πᾶϲι ταραχώδεεϲ καὶ κακαί, πολὺ δὲ τούτοιϲι κάκιϲται.

Τῆϲ περιουϲίαϲ τῶν χυμῶν εἰϲ τὴν γαϲτέρα ῥεούϲηϲ, ὡϲ ἔμπρο- ϲθεν εἶπον, εἰκὸϲ ἦν ταραχώδειϲ γενέϲθαι κοιλίαϲ. τούτοιϲ οὖν τοῖϲ τριταιοφυέϲιν, ὑπὲρ ὧν ποιεῖται τὸν λόγον, ὡϲ ἂν οὖϲι κα- κοηθεϲτέροιϲ τῶν ἄλλων νοϲημάτων, ἀναγκαῖον ἦν τοὺϲ κάμνονταϲ καὶ κατὰ τὴν γαϲτέρα χείρουϲ γενέϲθαι.

Οὖρα δὲ τοῖϲι πλείϲτοιϲι τού- των ἢ λεπτὰ καὶ ὠμὰ καὶ ἄχρω καὶ μετὰ χρόνον ϲμικρὰ πεπαινόμενα κριϲίμωϲ ἢ πάχοϲ μὲν ἔχοντα, θολερὰ δὲ καὶ οὐδὲν καθιϲτάμενα, οὐδὲ ὑφιϲτάμενα, ἢ ϲμικρὰ καὶ