Digital Corpus for Graeco-Arabic Studies

Galen: In Hippocratis Epidemiarum librum I (On Hippocrates' Epidemics I)

Wenkebach 1934

ρουμένην. οὕτωϲ γοῦν καίτοι τοῖϲ περὶ μεγεθῶν καὶ ἀποϲτημάτων ἡλίου καὶ ϲελήνηϲ καὶ γῆϲ ἀποδεδειγμένοιϲ ἤδη πιϲτεύοντεϲ, ὅταν πρὸϲ αἰϲθητῶν τε πολλῶν ἄλλων, ὅϲα κατὰ γεωμετρικοὺϲ λόγουϲ εὑρίϲκεται, [ὅταν ὑπὸ] καὶ τῶν καταλελογιϲμένων ἐκλείψεων μαρ- τυρῆται, βεβαιοτέραν ἴϲχομεν τὴν πίϲτιν. ὅπου τοίνυν τὰ διὰ γεω- μετρίαϲ ἀποδειχθέντα πιϲτότερα γίνεται μαρτυρούμενα πρὸϲ τῶν κατὰ μέροϲ ἀποβαινόντων καὶ πιϲτότερα γενόμενα μείζονα βεβαιότητ’ ἔχει, πολλῷ δὴ μᾶλλον [ἢ] ὅϲα *** † ὑπὸ τὴν κατὰ μέροϲ *** πίϲτιν. ταῦτ’ οὖν οὕτωϲ ἡμεῖϲ ἐπιδειξόμεθα ἐν τοῖϲ τῶν Ἐπιδη- μιῶν βιβλίοιϲ γινόμενα.

Ἐν Θάϲῳ φθινοπώρου περὶ ἰϲημε- ρίην καὶ ὑπὸ πληιάδα ὕδατα πολλά, ϲυνεχέα, μαλθακῶϲ, ἐν νοτίοιϲι.

Ὅτι μὲν καὶ ἡ τοῦ χωρίου γνῶϲιϲ εἰϲ τὴν τῶν ἐπιδημίων νοϲη- μάτων διδαϲκαλίαν ὠφέλιμόϲ ἐϲτιν ὕϲτερον λέξω. νυνὶ δὲ τὴν λέξιν αὐτὴν πρότερον ἐξηγήϲομαι, τοῦ ϲυγγραφέωϲ εἰπόντοϲ περὶ ἰϲημε- ρίην καὶ ὑπὸ πληιάδα. δυοῖν γὰρ οὐϲῶν ἰϲημεριῶν καὶ δυοῖν πλειάδων ἐπιϲημαϲιῶν, αὐτὸϲ ἐδήλωϲεν, ὁποίαν αὐτῶν λέγει, προϲ- θεὶϲ τῷ λόγῳ τὸ φθινοπώρου. κατὰ μὲν γὰρ τὸ ἔαρ ἡ ἑτέρα γί- νεται καὶ ἡ ἀρχή γ’ αὐτοῦ κατὰ τὴν ἡμετέραν οἴκηϲίν ἐϲτιν αὕτη, ἣν νῦν οὐ λέγομεν· καθάπερ καὶ τελευτὴ πάλιν ἦροϲ τῶν πλειά- δων ἡ ἐπιτολή. κατὰ δὲ τὸ φθινόπωρον ἡ ὑπόλοιποϲ ἰϲημε- ρία γίνεται καὶ ἡ τῶν πλειάδων δύϲιϲ. οὐδὲν δὲ διοίϲει λέγειν ἤτοι

Work

Title: Galen: In Hippocratis Epidemiarum librum I
English: On Hippocrates' Epidemics I
Original: Ἱπποκράτους ἐπιδημιῶν αʹ καὶ Γαληνοῦ εἰς αὐτο ὑπομνήματα

Domains: Medicine

Text information

Type: Original

Bibliographic information

Publication type: Book

Author/Editor: Wenkebach, Ernst
and Pfaff, Franz

Title: Galeni in Hippocratis Epidemiarum libros I et II

Published: 1934

Series: Corpus Medicorum Graecorum

Volume: 5

Number: 10

Pages: 3-151

Publisher: B. G. Teubner, Berlin, Leipzig

Download