Galen: In Hippocratis Epidemiarum librum I (On Hippocrates' Epidemics I)

ῥοπῆϲ τῶν χυμῶν ϲημεῖόν ἐϲτιν ἡ τοῦ ὑποχονδρίου ϲύνταϲιϲ χωρὶϲ ὀδύνηϲ γινομένη. ὥϲτ’, ἐάν γε μετ’ ὀδύνηϲ ᾖ, τῇ τῶν ϲπλάγχνων ἀκολουθεῖ φλεγμονῇ, ὅταν δὲ τῆϲ περὶ τὴν κεφαλὴν θερ- μαϲίαϲ ἑλκούϲηϲ ἄνω τὸ αἷμα καὶ τοῦ ἥπατοϲ ὠθοῦντοϲ ἡ ϲύντα- ϲιϲ γίγνηται, τὴν αἱμορραγίαν προϲδέχεϲθαι χρή.

Οἷϲι δὲ βάρεα μὲν ὅληϲ τῆϲ κε- φαλῆϲ, καρδιωγμοὶ δὲ καὶ ἀϲώδεέϲ εἰϲιν, ἐπανεμέουϲι χολώδεα καὶ φλεγματώδεα. [τὸ πολὺ δὲ παιδίοιϲι.]

Καὶ τοῦτον τὸν λόγον ἐν τῷ Προγνωϲτικῷ διὰ τῆϲδε τῆϲ ῥήϲεωϲ ἐδίδαξεν· “ὅϲτιϲ δ’ ἂν ἐν πυρετῷ μὴ θανατώδει φῇ κεφαλὴν ἀλγεῖν ἢ καὶ ὀρφνῶδέϲ τι πρὸ τῶν ὀφθαλμῶν γίνεϲθαι ἢ καρδιωγμὸϲ του- τέῳ προϲγένηται, χολώδηϲ ἔμετοϲ παρέϲται. ἢν δὲ καὶ ῥῖγοϲ ἐπιλάβῃ καὶ τὰ κάτω τοῦ ὑποχονδρίου ψυχρὰ ᾖ, ταχύτερον ὁ ἔμετοϲ παρέϲται. ἢν δέ τι καὶ πίῃ καὶ φάγῃ ὑπὸ τοῦτον τὸν χρόνον, κάρτα ταχέωϲ ἐμέεται. τούτων δὲ οἷϲιν ἂν ἄρξηται ὁ πόνοϲ τῇ πρώτῃ ἡμέρᾳ, τε- ταρταῖοι πιεζοῦνται μᾶλλον καὶ πεμπταῖοι, ἐϲ δὲ τὴν ἑβδόμην ἀπαλ- λάϲϲονται. οἱ μέντοι πλεῖϲτοι αὐτῶν ἄρχονται μὲν πονέεϲθαι τριταῖοι, πιέζονται δὲ πεμπταῖοι μάλιϲτα, ἀπαλλάϲϲονται δ’ ἐναταῖοι ἢ ἑνδεκα- ταῖοι. οἳ δ’ ἂν ἄρξωνται πεμπταῖοι πονέεϲθαι καὶ τὰ ἄλλα κατὰ λόγον αὐτοῖϲι τῶν πρόϲθεν γίνηται, ἐϲ τὴν τεϲϲαρεϲκαιδεκάτην ἀπαλλάϲϲον- ται. γίνεται δὲ ταῦτα τοῖϲι μὲν ἀνδράϲι καὶ τῇϲι γυναιξὶν ἐν τοῖϲ τριταίοιϲ μάλιϲτα, τοῖϲι δὲ νεωτέροιϲι γίνεται μὲν καὶ ἐν τούτοιϲι, μᾶλλον δὲ τοῖϲ ϲυνεχεϲτέροιϲι πυρετοῖϲ καὶ τοῖϲι γνηϲίοιϲι τριταίοι- ϲιν.” αὕτη περὶ τῶν αὐτῶν, ὧν νῦν διέρχεται, ἡ ῥῆϲιϲ ἐν τῷ Προ- γνωϲτικῷ γέγραπται καὶ αὐτὴν ἐξηγηϲάμεθα κατὰ τὸ τρίτον τῶν εἰϲ ἐκεῖνο τὸ βιβλίον ἡμῖν γεγραμμένων ὑπομνημάτων, ὥϲτ’ οὐδὲν ἡμᾶϲ δεῖ πάλιν περὶ τῶν αὐτῶν ἐνταῦθα λέγειν, ὁρῶνταϲ ἀκριβέ-